భారత్ బంద్ : జిల్లా వ్యాప్తంగా ధర్నాలు, ర్యాలీలు

దేశవ్యాప్త సమ్మెలో భాగంగా పశ్చిమగోదావరి జిల్లా తణుకు, జంగారెడ్డిగూడెం, ఏలూరులో ఉద్యోగ, రైతు, కార్మిక సంఘాలు కదం తొక్కాయి. కేంద్ర ప్రభుత్వం అమలు చేస్తున్న ప్రజావ్యతిరేక విధానాలకు... నిరసనగా ధర్నాలు నిర్వహించారు.

కేంద్ర ప్రభుత్వ తీరును ఖండిస్తూ పశ్చిమగోదావరి జిల్లాలో భారత్ బంద్ ప్రశాంతంగా సాగింది. వామపక్ష, కార్మిక, ఉద్యోగ సంఘాలు నిరసన కార్యక్రమంలో పాల్గొన్నాయి. జిల్లాలోని తణుకు పట్టణ ప్రధాన రహదారుల్లో భారీ ర్యాలీ నిర్వహించారు. కేంద్రానికి వ్యతిరేకంగా నినాదాలు చేశారు. కార్మిక చట్టాలను నీరుగార్చే ప్రయత్నం చేస్తున్నారని మండిపడ్డారు.

జంగారెడ్డిగూడెంలో

రైతులకు గిట్టుబాటు ధర కల్పించడంలో కేంద్ర, రాష్ట్ర ప్రభుత్వాలు విఫలమవుతున్నాయని రైతు సంఘాల నేతలు విమర్శించారు. బోసుబొమ్మ కూడలిలో కూరగాయలు పారబోసి రైతులు నిరసన వ్యక్తం చేశారు.

ఏలూరులో

ఏలూరులో వామపక్ష, కార్మిక, ప్రజాసంఘాల నాయకులు కదంతొక్కారు. భారీగా నిరసన ప్రదర్శన చేపట్టారు. భాజపా పాలనలో రైతులు కష్టాలపాలవుతున్నారని విమర్శించారు.

ఇదీ చదవండి: రాజధానిని కొనసాగించాలని... పాలకొల్లు ఎమ్మెల్యే నిరాహార దీక్ష