ఏలూరులో ఏటీఎం దొంగల ముఠా అరెస్ట్
పశ్చిమగోదావరి జిల్లా ఏలూరులో ఏటీఎం నగదు దొంగలిస్తున్న ముఠాను పోలీసులు అరెస్ట్ చేశారు. ఏలూరుకు చెందిన శ్రీపాద రామకృష్ణ బస్టాండ్ వద్ద బస్సు ఎక్కుతుండగా దుర్గాప్రసాద్ పర్సు దొంగిలించాడు. ఆ పర్సులో డబ్బుల్లేవని తెలిసి ఇంట్లో పడేశాడు. అందులో ఉన్న ఏటీఎం కార్డు చూసిన అతని అక్క...చోరీకి పాల్పడింది. కార్డు వెనుక ఉన్న నెంబర్ల సహాయంతో రూ. 4లక్షల 5వేలు విత్ డ్రా చేసింది. ఈమెకు చోడవరపు రాము, కొంగ రాజేశ్వర సహకరించారు. వీళ్లను పట్టుకున్న పోలీసులు...రూ.3లక్షల 93 వేలు స్వాధీనం చేసుకున్నారు.