మతిస్థిమితం లేని కుమారుడు.. తల్లిదండ్రులను కడతేర్చాడు

పున్నామ నరకం నుంచి తప్పించేవాడు పుత్రుడు అంటారు. అలాంటిది కన్న కొడుకే ఆ తల్లిదండ్రులను కడతేర్చాడు. మానసికి స్థితి సరిగా లేని తమ కుమారుడికి చికిత్స చేయించాలని అనుకున్నారు ఆ కన్నవారు. ఈ లోపే ఆ యువకుడు వారిపై రాడ్​తో దాడి చేసి దారుణంగా హతమార్చాడు. పశ్చిమగోదావరి జిల్లా కడియద్ద వద్ద జరిగిన దారుణ ఘటన వివరాలివి...!

పశ్చిమ గోదావరి జిల్లా తాడేపల్లి గూడెం మండలం కడియద్ద గ్రామంలో దారుణం జరిగింది. మతి స్థిమితం సరిగా లేని జాలపర్తి రమేష్​ అనే వ్యక్తి... తన తల్లిదండ్రులను రాడ్​తో కొట్టి హత్య చేశాడు. అనంతరం పారిపోతూ అక్క, అన్నలకు తారసపడ్డాడు. అతన్ని పట్టుకునేలోపే పరారయ్యాడు. సమాచారం అందుకున్న కొవ్వూరు డీఎస్పీ రాజేశ్వరరెడ్డి, తాడేపల్లిగూడెం రూరల్​ సీఐ రవికుమార్​ అక్కడికి చేరుకుని మృతదేహాలను పరిశీలించారు. ఘటనపై కేసు నమోదు చేసి దర్యాప్తు చేస్తున్నారు.

ఇదీ చూడండి: