పైడితల్లి అమ్మ‌వారి సిరిమానోత్సవాన్ని సంప్ర‌దాయాల ప్ర‌కార‌మే నిర్వ‌హించాల‌ని... అయితే కరోనా నేపథ్యంలో ఈ ఉత్సవాల్లో భ‌క్తుల రాక‌పోక‌ల‌ను పూర్తిగా నియంత్రిస్తామని విజయనగరం డీఎస్పీ పి. వీరాంజనేయ తెలిపారు. జిల్లాలో శ్రీ పైడితల్లమ్మ, దసరా ఉత్సవాల నిర్వహణపై పోలీసుశాఖ చేపడుతున్న చర్యలపై స్థానిక డీఎస్పీ కార్యాలయంలో ఆయన విలేకరుల సమావేశం నిర్వహించారు.
ప‌ట్ట‌ణంలో లైవ్ టెలీకాస్ట్ ద్వారా అమ్మ‌వారి సిరిమానోత్సవాన్ని ప్ర‌సారం చేస్తామని... భక్తులు వారి వీధుల్లోనే వీక్షించాలని కోరారు. భౌతిక దూరాన్ని పాటిస్తూ... మాస్కుల‌ు ధ‌రించి ఎవరికి వారు కొవిడ్ నిబంధనలు పాటించాలని విజ్ఞప్తి చేశారు.