విజయనగరంజిల్లా దత్తిరాజేరు మండలం కోమటిపల్లి రైల్వే గేటు వద్ద ఆటో బోల్తా పడిన ప్రమాదంలో ఇద్దరు ఎన్నికల సిబ్బంది గాయపడ్డారు. భోగాపురం మండలం రావాడకు చెందిన ఉపాధ్యాయుడు శ్రీనివాసరావు.. పూసపాటిరేగ మండలం పతివాడకు చెందిన ఉపాధ్యాయురాలు శ్రీదేవి.. దత్తిరాజేరులోని ఎన్నికల విధులకు హాజరయ్యేందుకు ఆటోలో వెళ్తున్నారు.
ఆ ఆటో దత్తిరాజేరు సమీపంలోని కోమటిపల్లి రైల్వేగేటు సమీపంలో బోల్తా పడింది. ముందు వెళ్తున్న ఆటో ఉన్నఫళంగా బ్రేకు వేయటం.. వెనుక ఉన్న ఈ ఆటో ఢీకొట్టడం జరిగి ప్రమాదం చోటు చేసుకుంది. ఆటోలో ఉన్న ఇద్దరు సిబ్బందితో పాటు డ్రైవర్ సూర్యనారాయణ గాయపడ్డాడు. ముగ్గురికీ గజపతినగరం సామాజిక ఆరోగ్యకేంద్రంలో చికిత్స అందిస్తున్నారు.