విజయనగరం జిల్లా సాలూరు చెందిన గాయత్రి , లావణ్యలు తాము దాచుకున్న డబ్బులతో 65 మంది నిరుపేద దివ్యాంగులకు నిత్యావసర సరుకులను పంచిపెట్టారు. వీటిని సాలూరు సీఐ సింహాద్రి నాయుడు, పట్టణ ఎస్సై శ్రీనివాస్ చేతులు మీదుగా పంపిణీ చేశారు. వారి పరిసర ప్రాంతంలో ఉంటున్న ఓ వృద్దుడిని చూసి ఈ ఇద్దరమ్మాయిలకు ఈ ఆలోచన వచ్చింది. అంగవైకల్యంతో బాధపడుతున్న ఆ తాతను చూసి వారి వద్దనున్న 25 వేల రూపాయలను వాళ్ల సొంత ఖర్చులకు ఉపయోగించకుండా... ఆ తాతలా ఉన్న వారికి సహాయపడాలని అనుకున్నారు. అదే తడవుగా నెలకు సరిపడే నిత్యావసర సరుకులు, దుప్పట్లు, గ్లూకోజు, ఆకుకూరలు వంటివి తీసుకుని ఇచ్చారు. వీరి పెద్దమనసు చూసి తల్లిదండ్రులు సంతోషపడ్డారు.
65 మంది దివ్యాంగులకు నిత్యావసరాల పంపిణీ
అమ్మాయిలు సాధారణంగా వారి వద్ద దాచుకున్న డబ్బులతో బంగారమో, ఇతర వస్తువులో కొనాలని భావిస్తారు. అదే చిన్నవారైతే వారికి ఉన్న చిన్న చిన్న కోరికలు తీర్చుకునేందుకు ఉపయోగిస్తారు. కానీ సాలూరులో ఓ ఇద్దరమ్మాయిలు చాలా పెద్ద మనసు చేసుకుని తాము దాచుకున్న నగదుతో పేద దివ్యాంగులకు నిత్యావసరాలు పంచిపెట్టారు.
దివ్యాంగులుకు నిత్యావసరాలు పంచుతున్న సాలూరు అమ్మాయిలు
ఇదీ చదవండి : వలసకూలీలకు అండగా సత్యసాయి సేవా సంస్థ