ఇద్దరి చిన్నారుల ప్రాణం తీసిన.. ఈత సరదా

అప్పటివరకు పాఠశాలలో గడిపిన చిన్నారులకు...ఈత సరదా ప్రాణం మీదకు తెచ్చిపెట్టింది. సరదాగా ఈత కోసం వెళ్లి నీటిలో మునిగి ఇద్దరు విద్యార్థులు చనిపోయారు.

కాలువలో జారిపడి ఇద్దరు చిన్నారులు మృతి చెందిన ఘటన విజయనగరం జిల్లా గులివింద అగ్రహారం తోటపల్లి వద్ద చోటు చేసుకుంది. ఓ ప్రైవేటు పాఠశాలలో చదువుతున్న గౌరీశంకర్​, సతీష్​లు పాఠశాల విడిచిపెట్టగానే దగ్గరలో ఉన్న కాలువ వద్దకు ఈత కోసం వెళ్లారు. కాలువలో దిగగా లోతు ఎక్కువగా ఉండటంతో నీటిలో మునిగి మృతి చెందారు. గౌరీ శంకర్ రెండవ తరగతి చదువుతుండగా..సతీష్ 4 వతరగతి చదువుతున్నారు. చిన్నారుల మృతితో తల్లిదండ్రుల రోదనలు మిన్నంటాయి. ఒకేసారి ఇద్దరు చిన్నారులు మృతి చెందటంతో అగ్రహారంలో విషాద ఛాయలు అలుముకున్నాయి.

ఇదీచదవండి

తల్లీకుమార్తె హత్య కేసుపై దర్యాప్తు షురూ..