సిగ్నల్​ లేక.. ఊరి చివరకు!

లాక్​డౌన్​ నేపథ్యంలో గిరిజనులు తీవ్ర ఇబ్బందులు ఎదుర్కుంటున్నారు. పీఎం కిసాన్​ యోజన కింద లబ్ధిదారుల బ్యాంకు ఖాతాల్లో జమ అయిన నగదును తీసుకునేందుకు సరైన సదుపాయం లేక అవస్థలు పడుతున్నారు.

విజయనగరం జిల్లా సాలూరు మండలం కురుకూటి పంచాయతీ పరిధిలోని గిరిజనులు లాక్​డౌన్​ కారణంగా తీవ్ర ఇబ్బందులు పడుతున్నారు. పీఎం కిసాన్ యోజన కింద రైతుల బ్యాంకు ఖాతాల్లో రూ.2 వేల నగదును అధికారులు జమచేశారు. జీరో అకౌంట్​ ఉన్న మహిళకు రూ.500 నగదు జమచేశారు. వాటిని తీసుకునేందుకు ఇంటర్నెట్​​​ సిగ్నల్స్​ లేక ఆ ప్రాంత గిరిజనులు అవస్థలు పడుతున్నారు. ఊరి పొలిమేరల్లో సిగ్నల్​ అందటంతో గ్రామస్థులంతా ఊరు శివారుకు చేరుకుంటున్నారు. భౌతిక దూరం పాటిస్తూ... చేతులకు శానిటైజర్​ రాసుకుని వేలుముద్ర వేసి నగదు తీసుకుంటున్నట్లు బ్యాంకు మిత్ర వివరించారు.

ఇదీ చూడండి:

బ్యాంకుల ఎదుట గుంపులుగా జనం... కారాదు ప్రమాదం!