విజయనగరం జిల్లా పినవేమలి గ్రామంలో విషాదం చోటుచేసుకుంది. పినవేమలి గ్రామానికి చెందిన కెంగువ రవి (23) బావిలో అనుమానస్పద స్థితిలో మృతి చెందాడు. ఈ నెల 17 న ఎన్నికల జరిగిన అనంతరం.. రాత్రి ఊరేగింపులో పాల్గొని తరువాత కనిపించకుండా పోయాడు.
గ్రామస్థులు రవి కోసం వెతకగా.. ఈ రోజు గ్రామ శివారులోని ఓ బావిలో విగతజీవిగా కనిపించాడు. గ్రామస్థులు పోలీసులకు సమాచారం ఇవ్వటంతో.. కేసు నమోదు చేసి దర్యాప్తు చేస్తున్నారు.