తండ్రిని చంపిన తనయుడు...ఆస్తి వివాదమే కారణం!

విజయనగరం జిల్లా పాచిపెంట మండలం కేరంగి గ్రామంలో కుమారుడే తండ్రిని హత్య చేశాడు. ఈ ఘటన ఆలస్యంగా వెలుగులోకి వచ్చింది. ఆస్తి వివాదాలే హత్యకు కారణమని తెలుస్తోంది.

విజయనగరం జిల్లా పాచిపెంట మండలం కెరంగిలో కన్న తండ్రిని కుమారుడే హత్య చేశాడు. గ్రామానికి చెందిన చేబి పోతయ్య అనే వ్యక్తి అతనికున్న మూడు ఎకరాల పొలాన్ని తన ముగ్గురు కొడుకులకు సమానంగా ఇచ్చారు. ఈ పంపకాల విషయంలో రెండవ కుమారుడు తిరుపతిరావు, తండ్రికి మధ్య కొంత కాలంగా వివాదం నడుస్తోంది. నిన్న రాత్రి తిరుపతిరావు మద్యం మత్తులో తండ్రిని కర్రతో కొట్టి చంపాడు.

ఇదీ చదవండి:అడ్మిషన్లు చేపట్టాలంటూ ఏఐఎస్ఎఫ్ ఆందోళన