విజయనగరం జిల్లా పార్వతీపురం సమీపంలో కొత్తవలస వద్ద రూ.50వేలు విలువ చేసే 460లీటర్ల నాటుసారాను ఎస్ఈబీ అధికారులు స్వాధీనం చేసుకున్నారు. ఒడిశా నుంచి పాలకొండ వైపు స్కార్పియో వాహనంలో సారా రవాణా అవుతున్నట్లు సమాచారం అందిందని ఎక్సైజ్ సూపరిండెంట్ చెప్పారు. వెంకంపేట గోలీలు నుంచి ఆ వాహనాన్ని వెంబడించి.. కొత్తవలస వద్ద పట్టుకున్నామని తెలిపారు. వాహనాన్ని సీజ్ చేసినట్లు చెప్పారు. డ్రైవర్ను అరెస్టు చేసినట్లు వెల్లడించారు. రవాణాదారుల వద్ద నుంచి నాటుసారా కొనుగోలు చేసిన మరో ముగ్గురిని గుర్తించినట్లు చెప్పారు. వారిని కూడా త్వరలో అరెస్టు చేస్తామన్నారు. నాటుసారా విక్రయాలు, రవాణాపై ప్రత్యేక నిఘా పెట్టామని సీఐ తెలిపారు.
విశాఖ జిల్లా
మాడుగుల నియోజకవర్గంలోని పలు ప్రాంతాల్లో నాటుసారా స్థావరాలపై పోలీసులు, ఎస్ఈబీ అధికారులు దాడులు జరిపారు. చింతలూరు గడబూరులో నాటుసారా తయారీకి ఉపయోగించే 2,200 లీటర్ల బెల్లం ఊటను గుర్తించి.. ధ్వంసం చేసినట్లు ఎస్ఈబీ సీఐ జగదీశ్వరరావు చెప్పారు.