లాక్ డౌన్ అనంతరం విజయనగరం జిల్లాలో బస్సులు బయలుదేరాయి. జిల్లాలోని 4 డిపోల పరిధిలో 70 సర్వీసులను ఆర్టీసీ అధికారులు ప్రారంభించారు. మొదట్లో ప్రయాణికులు ఎక్కువ సంఖ్యలో వచ్చే వారు కాదని.. ఇప్పుడు పెరిగారని చెప్పారు.
ప్రయాణికులు సరిగా సామాజిక దూరం పాటించటం లేదని వారి ద్వారా తమకు కరోనా సోకే అవకాశం ఉందని డ్రైవర్లు, బస్టాండ్లో విధులు నిర్వహిస్తున్న కండక్టర్లు వాపోతున్నారు. అధికారులు, డిపో యాజమాన్యం మాస్కులు, శానిటైజర్లు పంపిణీ చేయాలని కోరారు.