పర్ల గ్రామ సచివాలయానికి ఎంపీ బెల్లాన శంకుస్థాపన

గ్రామస్థులు పనులు మానుకుని మండలంలో అధికారుల చుట్టూ తిరిగే అవసరం లేకుండా.. సచివాలయ వ్యవస్థను ప్రభుత్వం ఏర్పాటు చేసినట్లు ఎంపీ బెల్లాన చంద్రశేఖర్ తెలిపారు. విజయనగరం జిల్లా చీపురుపల్లి మండలం పర్లలో గ్రామ సచివాలయానికి ఆయన శంకుస్థాపన చేశారు. పేదలకు అన్ని రకాల సేవలను వీటి ద్వారా అందిస్తామన్నారు.

విజయనగరం జిల్లా చీపురుపల్లి మండలం పర్లలో గ్రామ సచివాలయానికి.. ఎంపీ బెల్లాన చంద్రశేఖర్ శంకుస్థాపన చేశారు. గ్రామస్థులు పనులు మానుకుని మండల కేంద్రం చుట్టూ తిరగకుండా.. ఈ నూతన వ్యవస్థను ప్రవేశపెట్టామని వెల్లడించారు. ప్రభుత్వం ప్రతిష్టాత్మకంగా ఈ కార్యక్రమాన్ని చేపట్టి.. వాటికి భవనాలనూ నిర్మిస్తోందని తెలిపారు.

పేద ప్రజలకు అన్ని రకాల సేవలను గ్రామ సచివాలయాల ద్వారా అందించేందుకు.. సీఎం జగన్ ప్రభుత్వం కృషి చేస్తోందని ఎంపీ పేర్కొన్నారు. ఈ కార్యక్రమంలో నియోజకవర్గ సమన్వయకర్త చిన్న శీను, వైకాపా నాయకులు, గ్రామస్థులు పాల్గొన్నారు.

ఇదీ చదవండి: