మక్కువలో 'నో మాస్క్ - నో సీట్'

మాస్కు లేకుండా ఆటోలో ఎక్కించుకోవద్దని విజయనగరం జిల్లా మక్కువలో ఆటో డ్రైవర్లకు పోలీసులు అవగాహన కల్పించారు. ఆటోలోనూ భౌతిక దూరం పాటించేలా చర్యలు తీసుకోవాలని సీఐ..ఆటో డ్రైవర్లకు సూచించారు.

విజయనగంర జిల్లా మక్కువలో మాస్కులు ధరించటంపై ఆటోడ్రైవర్లకు పోలీసులు అవగాహన కల్పించారు. 'నో మాస్క్-నో సీట్' పేరిట సీఐ సింహాద్రినాయుడు ఆధ్వర్యంలో ఈ కార్యక్రమాన్ని నిర్వహించారు. మాస్కులు ధరించకుండా వస్తే ప్రయాణికులను ఆటో ఎక్కించుకోవద్దన్నారు. అంతే కాకుండా భౌతిక దూరం పాటించేలా.. ఆటోలో ఇద్దరు లేదా ముగ్గురు మాత్రమే ప్రయాణించేలా చర్యలు తీసుకోవాలని సూచించారు.

ఇదీ చదవండి:'కాపు రిజర్వేషన్​.. ఓట్లు దండుకునే మంత్రదండంగా మారింది'