కొవిడ్​పై ఎన్​సీసీ విద్యార్థుల అవగాహన ర్యాలీ

కొవిడ్​పై విజయనగరం జిల్లా పార్వతీపురంలో ఎన్​సీసీ విద్యార్థులు అవగాహన ర్యాలీ చేపట్టారు. క్రమశిక్షణ, దేశభక్తి అంశాలతో పాటు సామాజిక చైతన్యానికి వీరు కృషి చేస్తున్నారు.

విజయనగరం జిల్లా పార్వతీపురంలోని ఎస్​వీడీ కళాశాల, ప్రభుత్వ ఉన్నత పాఠశాల, ఆర్​సీఎం బాలుర స్కూలు ఎన్​సీసీ విద్యార్థులు కరోనా​పై అవగాహన ర్యాలీ నిర్వహించారు. పట్టణ శివారులోని ఎస్​వీడీ కళాశాల నుంచి బెల్గాంలోని రైతుబజార్​ వరకు సుమారు నాలుగు కిలో మీటర్లు నినాదాలు చేస్తూ ప్రదర్శన చేశారు. కొవిడ్​ వద్దు, వ్యాక్సిన్ ముద్దు, మాస్కులు ధరించండి.. కరోనా నుంచి రక్షణ పొందండి, భౌతిక దూరం పాటించాలని చెప్పారు. ఈ కార్యక్రమంలో ఎన్​సీసీ అధికారులు పాల్గొన్నారు. ​

ఇదీ చదవండి:రాష్ట్రంలో మళ్లీ పెరుగుతున్న కరోనా వ్యాప్తి