Car collided with a tractor at Narsipuram: విజయనగరం జిల్లా పార్వతీపురం మండలం నర్సీపురం గ్రామ సమీపంలో ఘోరరోడ్డు ప్రమాదం జరిగింది. ఆగి ఉన్న ట్రాక్టర్ను కారు ఢీకొట్టడంతో తాతా, మనువడు అక్కడికక్కడే కన్నుమూశారు. గరుగుబిల్లి మండలం కొంక డివరం గ్రామానికి చెందిన చిన్నాం నాయుడు.. కారులో విశాఖ నుంచి స్వస్థలానికి వెళ్తున్నారు. ఈ క్రమంలో నర్సీపురం వద్ద రోడ్డు పక్కన ఆగి ఉన్న ట్రాక్టర్ను వీళ్ల కారు ఢీకొట్టింది. ఈ క్రమంలో చిన్నాంనాయుడు, ఆయన మనువడు అక్కడికక్కడే కన్నుమూశారు. మరో ఇద్దరు తీవ్రంగా గాయపడ్డారు. వెంటనే క్షతగాత్రులను ప్రాంతీయ ఆస్పత్రికి తరలించారు. ఘటనా స్థలానికి పోలీసులు చేరుకొని పరిశీలించారు. ప్రమాదంపై కేసు నమోదు చేసి దర్యాప్తు చేస్తున్నట్లు ఎస్సై వై. సింహాచలం చెప్పారు.
కుటుంబంలో తీరని విషాదం