విజయనగరం జిల్లా సాలూరు నియోజకవర్గంలో మక్కువ, పాచిపెంట, పాలూరు, మండలాల్లో కరెంటు బిల్లులు అధికంగా వస్తున్నాయని అంతా అపోహ పడుతున్నారని ఎమ్మెల్యే రాజన్నదొర అన్నారు. బిల్లు ఎక్కువగా వచ్చినందుకు గల కారణాలను.. అధికారులు ప్రజలకు వివరించాలని చెప్పారు. లాక్డౌన్ కారణంగా అందరూ ఇంట్లో ఉండి అధికంగా ఫ్యాన్లు, టీవీ, లైట్స్, వాటడమే కాక.. వేసవి కావడం కరెంటు వినియోగం పెరగడానికి కారణంగా చెప్పారు.
90 యూనిట్లు దాటితే శ్లాబ్ రేటు మారడం వలన కూడా కరెంటు బిల్లు ఎక్కువగా వచ్చిందని అపోహ పడుతున్నారని ఆయన పేర్కొన్నారు. అధికారులు ప్రజలకు వాస్తవాలను సరిగా చెప్పలేక పోవడం వల్లే ఎక్కువ కరెంట్ బిల్లు వచ్చింది అని.. అంతా అపోహ పడ్డానని ఎమ్మెల్యే రాజన్నదొర అన్నారు.