Minister Botsa: రాష్ట్రంలో కొత్త జిల్లాలు ఏర్పడుతున్నప్పటికీ.. జిల్లా ప్రజాపరిషత్‌లు పాతవే కొనసాగుతాయని మంత్రి బొత్స సత్యనారాయణ తెలిపారు. జడ్పీల విభజన ఇప్పట్లో లేనట్లేనని, వాటి విభజన ప్రక్రియపై ప్రభుత్వం అధ్యయనం చేస్తోందని చెప్పారు. ఆ ప్రక్రియ పూర్తయ్యాక విధివిధానాలను ప్రకటిస్తామన్నారు. అంతవరకు ప్రస్తుతమున్న ప్రాంతాలనుంచే పాలన సాగుతుందని స్పష్టం చేశారు.
యథావిధిగా జడ్పీలు:కొత్త జిల్లాలు ఏర్పడినప్పటికీ జిల్లా ప్రజాపరిషత్‌లు యథావిధిగా కొనసాగుతాయని పంచాయతీరాజ్‌ శాఖ ముఖ్య కార్యదర్శి గోపాలకృష్ణ ద్వివేది తెలిపారు. ఈ మేరకు ఆయన ఉత్తర్వులిచ్చారు. పరిషత్‌ అధికారాలు, పరిధిలో ఎలాంటి మార్పులు ఉండబోవని స్పష్టం చేశారు.