'ఇటు తెదేపా..అటు వైకాపా జోరుగా ప్రచారాలు'

విజయనగరం జిల్లా బొబ్బిలిలో తెదేపా, వైకాపాలు పోటాపోటీగా ప్రచారాలు నిర్వహిస్తున్నాయి. ఇరు పార్టీల నేతలంతా ఇంటింటికి తిరుగుతూ ఓట్లు అభ్యర్థిస్తున్నారు.

విజయనగరం జిల్లా బొబ్బిలి పట్టణంలో తెదేపా అభ్యర్థి సుజయ్ కృష్ణ రంగారావు ఎన్నికల ప్రచారం నిర్వహించారు. ఆయన ఇంటింటికీ వెళ్లి... తెదేపా చేపట్టిన సంక్షేమ కార్యక్రమాలను వివరిస్తూ...సైకిల్ గుర్తుకు ఓటు వేయాలని కోరారు. ఈ ప్రచారంలో అధిక సంఖ్యలో కార్యకర్తలు, అభిమానులు పాల్గొన్నారు.

ఎన్నికల ప్రచారంలో భాగంగా...బొబ్బిలిలో వైకాపా బహిరంగ సభ ఏర్పాటు చేసింది. ఈ కార్యక్రమంలో ఎమ్మెల్యేగా పోటీ చేస్తున్న శంబంగి వెంకట అప్పలనాయుడు, ఎంపీ అభ్యర్థిగా పోటీ చేస్తున్న చంద్రశేఖర్ పాల్గొని మాట్లాడారు. ఈ సమావేశంలో పలువురు తెదేపా కార్యకర్తలు వైకాపాలో చేరారు. గత 15 సంవత్సరాలుగా అధికారంలో ఉన్న సుజయ కృష్ణ రంగారావు నియోజకవర్గ అభివృద్ధిని విస్మరించారని అప్పలనాయుడు ఆరోపించారు.