మాన్సాస్ ట్రస్ట్‌కు సంబంధించిన గత రెండేళ్లుగా ఫోరెన్సిక్‌ ఆడిట్ పాటను పాడుతున్న సంచయిత, విజయసాయిరెడ్డి ఆ వివరాలను బహిర్గతం చేయాలని.. మాన్సాస్ ట్రస్ట్‌ ఛైర్మన్‌, తెదేపా పొలిట్‌బ్యూరో సభ్యులు అశోక్‌గజపతిరాజు డిమాండ్ చేశారు.
"ఈ ఫోరెన్సిక్‌ ఆడిట్ క్లయింట్‌ ఎవరు, ఆడిట్ జరిగితే నిందితులు ఎవరు అనే వివరాలు వెల్లడించాలి. ఫలితాలను ఇంతవరకూ ఎందుకు బహిర్గతం చెయ్యలేదు..? ఇప్పుడు మీడియా ముందు అవే నివేదికలు కోరుతూ ఈ సన్నాయి నొక్కులు ఎందుకు..? ఈ ప్రహసనం జరుగుతున్నంతసేపూ మాన్సాస్ ట్రస్ట్‌, దానికి సంబంధించిన విద్యాసంస్థలపై దృష్టి పెట్టడం కష్టం. అవి అస్థిరపడుతూనే ఉంటాయి" అని ట్విట్టర్‌లో ఆవేదన వ్యక్తం చేశారు.