వైభవంగా కనకమహాలక్ష్మి ఉత్సవాలు

శ్రీ కనకమహాలక్ష్మి అమ్మవారి ఉత్సవాలు విజయనగరం జిల్లా చీపురుపల్లిలో వైభవంగా ప్రారంభమయ్యాయి. వేలాదిగా తరలిన భక్తులు అమ్మవారిని దర్శించుకుని మెుక్కులు చెల్లించుకున్నారు.

విజయనగరం జిల్లా చీపురుపల్లి ప్రజల ఇలవేల్పు అయిన శ్రీ కనకమహాలక్ష్మీ అమ్మవారి 21వ జాతర మహోత్సవాలు ఘనంగా ప్రారంభమయ్యాయి. ఈ వేడుక మూడు రోజులపాటు జరగనుంది. మెుదటి రోజు జ్యోతి ప్రజల్వన, కుంకుమపూజ, ప్రభల ఉత్సవం, రెండో రోజు తోళేల్లు కార్యక్రమం, మూడో రోజు ఘటోత్సవాలు, బాణాసంచా కాల్పులు జరగనున్నాయి. ఈ ఉత్సవాలకు పోలీసుల పటిష్ట భద్రత కల్పించారు. సాంస్కృతిక కార్యక్రమాలతో పాటు జబర్దస్త్ బృందంతో నిర్వాహకులు ప్రదర్శన ఏర్పాటు చేశారు.