విజయనగరం జిల్లా కలెక్టరేట్ ఆడిటోరియంలో తహసీల్దార్లు, ఇంజినీరింగ్ అధికారులతో జాయింట్ కలెక్టర్ డా.మహేశ్ కుమార్ అభివృద్ధి పనులపై సమీక్ష నిర్వ‌హించారు. నాడు-నేడు పనుల స్థితిగ‌తుల‌ు, వాటి పురోగతిపై మండ‌లాల వారీగా వివరాలు తెలుసుకున్నారు. క్షేత్ర‌స్థాయి అధికారులు నాడు-నేడు ప‌నుల‌ను త‌నిఖీ చేయాల‌ని జేసీ ఆదేశించారు.
ఖర్చు వివరాలు వెల్లడిస్తేనే బిల్లులు..
ఎం-బుక్ నిర్వ‌హ‌ణ‌లో ఇంజినీరింగ్ అసిస్టెంట్ల సేవ‌ల‌ను వినియోగించుకోవాల‌ని ఆయన సూచించారు. పూర్తైన ప‌నుల‌ను ఫొటోల‌తో స‌హా అప్‌లోడ్ చేయాల‌ని సూచించారు. సిమెంట్ తీసుకున్న‌వారు, సంబంధించిన ఖర్చు వివరాలు అప్‌లోడ్ చేస్తేనే బిల్లులు చెల్లిస్తామని స్పష్టం చేశారు. పెండింగ్ ఉన్న‌వారంతా, వినియోగించిన సిమెంట్ వివ‌రాల‌ను వెంట‌నే అప్‌లోడ్ చేయాల‌ని కోరారు.