అధికారుల నిర్లక్ష్యం... సమస్యల వలయంలో వసతిగృహం

ఇరుకు గదులు... అద్వానంగా ఉన్న మరుగుదొడ్లు... అంతంతమాత్రంగా తాగునీరు... తలుపులు లేని గదులు. నిత్యం దోమల బెడద... బిక్కుబిక్కుమంటూ చదువులు... ఇదీ విజయనగరం జిల్లా నీలకంఠపురం గిరిజన బాలుర సంక్షేమ వసతిగృహ విద్యార్థులు దుస్థితి.

విజయనగరం జిల్లా కురుపాం మండలం నీలకంఠపురం పరిధిలోని... గిరిజన బాలుర సంక్షేమ వసతి గృహంలో సమస్యలు రాజ్యమేలుతున్నాయి. మరుగుదొడ్లు అద్వానంగా ఉన్నాయి. వీటిని వినియోగించేందుకు విద్యార్థులు తీవ్ర ఇబ్బందులు పడుతున్నారు.

తిత్లి తుపాను సమయంలో డైనింగ్ హాలు పైకప్పు పూర్తిగా ధ్వంసమైంది. అప్పటి నుంచీ మరమ్మతులకు నోచుకోలేదు. విద్యార్థులకు ఏర్పాటు చేసిన బాత్​రూంలకు రన్నింగ్ వాటర్ సదుపాయం లేదు. ఫలితంగా నిరుపయోగంగా ఉన్నాయి. విద్యార్థులు సమీపంలో ఉన్న వాగుకు వెళ్లి స్నానాలు చేస్తున్నారు. ఇక్కడ ఏళ్లతరబడి సమస్యలు తిష్టవేసినా... పట్టించుకున్నవారే లేరు. ఫలితంగా విద్యార్థులు తీవ్ర ఇబ్బందులు పడుతున్నారు.

ఇదీ చదవండి