రెడ్​జోన్​ ప్రాంతంలో డీఎస్పీ ఆకస్మిక తనిఖీలు

తూర్పు గోదావరి జిల్లా కొత్తపేట రెడ్​జోన్​లో డీఎస్పీ ఆకస్మిక తనిఖీలు నిర్వహించారు. ప్రజలంతా ఇళ్లల్లోనే ఉండాలని సూచించారు. రెడ్​జోన్​లో ఉండే ప్రజలకు నిత్యవసరాలు ఇళ్ల వద్దే అందించే విధంగా ఏర్పాట్లు చేసినట్లు తెలిపారు.

తూర్పు గోదావరి జిల్లా అమలాపురం డీఎస్పీ షేక్ బాషా కొత్తపేటలో రెడ్​జోన్​గా ప్రకటించిన మార్కెట్ ప్రాంతంలో ఆకస్మిక తనిఖీలు నిర్వహించారు. రెడ్​జోన్​లో నిర్వహిస్తున్న బందోబస్తు, అక్కడి పరిస్థితులను ఎస్సై రమేష్​ను అడిగి తెలుసుకున్నారు. లాక్​డౌన్​ను పకడ్బందీగా అమలు చేసేందుకు పోలీసు సిబ్బందికి సూచనలు, సలహాలు ఇచ్చారు. ప్రజలంతా ఇళ్ల వద్దే ఉంటూ కరోనా వైరస్ నియంత్రణకు సహకరించాలని డీఎస్పీ తెలిపారు. రెడ్​జోన్​లో ఉన్న ప్రజలకు ఇళ్ల వద్దకే నిత్యవసర వస్తువులు అందించే ఏర్పాట్లు చేసినట్లు వివరించారు. ఇతర ప్రదేశాల్లో దాతలు ఎవరైనా సాయం చేయాలనుకునే వారు ఎస్సైని సంప్రదించాలని సూచించారు.

ఇదీ చదవండి:పాత్రికేయులకు నిత్యావసర వస్తువుల పంపిణీ