సామాన్య గిరిజన మహిళ అయిన తనకు మంత్రిగా, ఉపముఖ్యమంత్రిగా అవకాశమిచ్చిన.. సీఎం జగన్ రుణం తీర్చుకోలేనిదని పుష్పశ్రీవాణి అన్నారు. ఉపముఖ్యమంత్రిగా బాధ్యతలు తీసుకుని ఏడాది అయిన సందర్భంగా విజయనగరం జిల్లా చినమేరంగిలో కేక్ కట్ చేశారు. తనను నమ్మి ముఖ్యమైన పదవినిచ్చిన ముఖ్యమంత్రికి కృతజ్ఞతలు తెలిపారు.
తనకు అండగా నిలబడి, గెలిపించిన నియోజకవర్గ కార్యకర్తలను ఎప్పటికీ మర్చిపోనని అన్నారు. తన ప్రాంత అభివృద్ధికి కృషి చేస్తానని.. అందర్నీ కలుపుకొని సమస్యలు పరిష్కరించే దిశగా అడుగులు వేస్తానని ఉద్ఘాటించారు. ఆమెకు శుభాకాంక్షలు తెలిపేందుకు వైకాపా కార్యకర్తలు తరలివచ్చారు.