విజయనగరం జిల్లాలో అంగన్ వాడీ కేంద్రాలకు వెళ్లే బియ్యాన్ని ఇకపై సచివాలయ మహిళా పోలీసుల ద్వారా పంపించనున్నట్టు.. స్త్రీ శిశు సంక్షేమ శాఖ సీడీపీఓ ఆరుద్ర తెలిపారు. మండల కేంద్రంలోని ఎం.ఎల్.ఎస్ పాయింట్కు వచ్చి బియ్యం నాణ్యతను పరిశీలించారు. గత పీడీఎస్ బియ్యం కంటే ఇవి ఎంతో నాణ్యమైనదిగా ఉందని చెప్పారు. ఈ బియ్యాన్ని అంగన్వాడీ కేంద్రాలకు మాత్రమే పంపించనున్నట్టు చెప్పారు.
ఏ మాత్రం పక్కదోవ పట్టించాలని ఎవరైనా ప్రయత్నిస్తే... క్రిమినల్ కేసులు నమోదు చేస్తామని హెచ్చరించారు. భోగాపురంలోని 11 కేంద్రాలకు ఈ బియ్యాన్ని పంపించామని తెలిపారు. మండలంలో ఉన్న 290 కేంద్రాలకు 55 సచివాలయా సిబ్బంది ద్వారా పంపించేందుకు అన్ని ఏర్పాట్లు చేశామన్నారు.