'డైనమిక్ విధానం వద్దు.. పాత ఛార్జీలే అమలు చేయండి'

విజయనగరంలో విద్యుత్​ భవన్ ఎదుట సీపీఐ, సీపీఎం నాయకులు నిరసన చేపట్టారు. విద్యుత్ ఛార్జీల విధానంలో డైనమిక్​ విధానాన్ని తీసివేసి... పాత లెక్కింపు వి​ధానాన్ని అమలు చేయాలని డిమాండ్​ చేశారు.

పేదలపై అధిక విద్యుత్ ఛార్జీల భారాన్ని నిరసిస్తూ విజయనగరం విద్యుత్​ భవన్ ఎదుట సీపీఐ, సీపీఎం నేతలు ఆందోళనకు దిగారు. పెరిగిన విద్యుత్ ఛార్జీలు తగ్గించాలని, నినాదాలు చేశారు. కేంద్ర ప్రభుత్వం విద్యుత్ చట్ట సవరణ బిల్లు 2020ను ద్వారా ప్రవేశపెట్టనుండడం చాలా హేయమైన చర్య అన్నారు.

కేంద్రం ఈ ప్రయత్నాన్ని విరమించుకోవాలని సీపీఐ నాయకుడు బుగత అశోక్​ డిమాండ్ చేశారు. అలాగే.. రాష్ట్రంలో కొత్తగా అమలు చేసిన విద్యుత్ ఛార్జీల డైనమిక్ విధానాన్ని తీసివేసి... బిల్లుల లెక్కింపునకు పాత విధానాన్ని అనుసరించాలన్నారు.

ఇదీ చదవండి: