విజయనగరం జిల్లా గంట్యాడలోని జడ్పీ ఉన్నత పాఠశాలలో 20 మంది విద్యార్థులకు కరోనా సోకింది. గత నెల 21 నుంచి 9,10 వ తరగతి విద్యార్థులకు పాఠశాలలు ప్రారంభమయ్యాయి. 9, 10 తరగతికి చెందిన 73 మంది విద్యార్థులకు స్థానిక ప్రభుత్వ వైద్యశాల సిబ్బంది గత నెల 30న కరోనా పరీక్షలు నిర్వహించారు.
20 మందికి కరోనా పాజిటివ్ అని ఫలితం వచ్చినట్లు వైద్య సిబ్బంది నిర్ధరించారు. ఈ విషయాన్ని పాఠశాల ప్రధానోపాధ్యాయుడు నాగసాయి... డీఈవో నాగమణికి రాతపూర్వకంగా తెలియజేశారు. ఈ విషయంపై విద్యార్థులు, తల్లిదండ్రులు, ఉపాధ్యాయుల్లో తీవ్ర ఆందోళన వ్యక్తమవుతోంది.