ఐటీడీఏ కార్యాలయాన్ని ముట్టడించిన కమ్యూనిటీ హెల్త్ వర్కర్స్

విజయనగరం జిల్లా పార్వతీపురం ఐటీడీఏ కార్యాలయాన్ని కమ్యూనిటీ హెల్త్ వర్కర్స్ ముట్టడించారు. ఏళ్లుగా ఉన్న తమ సమస్యలను పరిష్కరించాలని కోరుతూ నిరసన చేపట్టారు.

తమ సమస్యలు పరిష్కరించాలని కోరుతూ కమ్యూనిటీ హెల్త్ వర్కర్స్(సీహెచ్​డబ్ల్యూ ) విజయనగరం జిల్లా పార్వతీపురం ఐటీడీఏ కార్యాలయాన్ని ముట్టడించారు. సీఐటీయూ ఆధ్వర్యంలో సబ్ ప్లాన్ మండలాల్లోని వర్కర్స్​ నినాదాలు చేస్తూ నిరసన తెలిపారు. అనంతరం సీఐటీయూ నాయకులు మాట్లాడారు. గిరిజన గ్రామాల్లో 1100 మంది సీహెచ్​డబ్ల్యూలుగా పని చేస్తున్నారన్నారు. వారందరికీ పాత జీతం నాలుగు వందలతో పాటు.. 2020 సెప్టెంబర్ నుంచి కొత్త వేతన బకాయిలు చెల్లించాలని డిమాండ్​ చేశారు. వర్కర్స్​ అందరికీ ఏకరూప దుస్తులు, గుర్తింపుకార్డులు ఇవ్వాలని కోరారు. తమ డిమాండ్లను వీలైనంత త్వరగా పరిష్కరించాలని.. లేకపోతే ఆందోళన ఉద్ధృతం చేస్తామన్నారు.

ఇదీ చదవండి:ఎమ్మెల్సీ ఎన్నికల బరిలో పీడీఎఫ్ అభ్యర్థులు.. ఏపీటీఎఫ్ మద్దతు