విజయనగరం జిల్లాలో వైఎస్సార్ బీమా పథకం అమలుపై అధికారులతో కలెక్టర్ హరి జవహర్లాల్ సమావేశం నిర్వహించారు. పేదల‌కు ర‌క్ష‌ణ క‌ల్పించి, భ‌రోసా కల్పించేందుకే ప్రభుత్వం ఈ పథకాన్ని ప్రవేశపెట్టిందని అన్నారు. అర్హులైన ప్ర‌తీ కుటుంబానికి బీమా పథకాన్ని వ‌ర్తింప‌జేయాల‌ని కోరారు.
జిల్లాలో పథకం అమలు వివరాలను డీఆర్‌డీఏ పీడీ కె.సుబ్బారావు కలెక్టర్కు తెలిపారు. జిల్లాలో మొత్తం 6,51,164మంది వైఎస్సార్ బీమా పొందేందుకు అర్హుల‌ని చెప్పారు. స‌ర్వే ద్వారా ఇప్ప‌టివ‌ర‌కు 5,83,783 మందిని గుర్తించామన్నారు. వీటిలో 3,87,691 ద‌ర‌ఖాస్తుల‌ను ఇప్ప‌టికే బ్యాంకుల‌కు సమర్పించామని చెప్పారు. మ‌రో 4వేల మందికి బ్యాంకుల్లో ఖాతాల‌ను తెర‌వాల్సి ఉంద‌న్నారు. పథకం అమలులో బ్యాంకులు, ఇతర శాఖల నుంచి ఎదురవుతున్న ఇబ్బందుల గురించి కలెక్టర్కు వివరించారు.