ఘర్షణకు దారి తీసిన భూవివాదం... ముగ్గురికి తీవ్ర గాయాలు

జామి మండలం పావాడలో ఓ భూవివాదం కొట్లాటకు దారి తీసింది. ఈ నేపథ్యంలో ఓ వర్గం వారు ముగ్గురిపై కర్రలతో దాడి చేసినట్లు పోలీసులు తెలిపారు. బాధితుల ఫిర్యాదు మేరకు కేసు నమోదు చేసినట్లు తెలిపారు.

విజయనగరం జిల్లా జామి మండలం పావాడలో చిన్నఅప్పలనాయుడు, అల్లు అప్పలనాయుడు మధ్య గత 30 ఏళ్లుగా భూ వివాదం నెలకొంది. చిన్న అప్పలనాయుడు వర్గం... పొలంలో పని చేసుకుంటున్న అల్లు అప్పలనాయుడు, లింగాల అప్పడు, అల్లు ఈశ్వరరావుపై కర్రలతో దాడి చేశారు.

ఈ ఘర్షణలో వీరు తీవ్రంగా గాయపడ్డారు. వీరిని విజయనగరంలోని ప్రైవేటు ఆసుపత్రిలో చికిత్స అందిస్తున్నట్లు పోలీసులు తెలిపారు. బాధితుల ఫిర్యాదు మేరకు కేసు నమోదు చేసుకుని విచారణ చేపట్టామని తెలిపారు.

ఇదీ చదవండి: