Chandrababu Tour: రాష్ట్రాన్ని జగన్ నాశనం చేశారని చంద్రబాబు ధ్వజమెత్తారు. ఉత్తరాంధ్రపై సీఎం జగన్ సవతి తల్లి ప్రేమను చూపిస్తున్నారని శ్రీకాకుళం జిల్లా పొందూరు రోడ్షోలా ఆరోపించారు. రాష్ట్రాన్ని కాపాడుకోవాల్సిన అవసరం ఉందని చంద్రబాబు పిలుపునిచ్చారు. అధికారం శాశ్వతం కాదని.. వైకాపా నాయకులు దాన్ని గుర్తించాలని వెల్లడించారు. మూడు రోజుల ఉత్తరాంధ్ర పర్యటనలో భాగంగా పొందూరులో చంద్రబాబు రోడ్షో నిర్వహించారు.
ఎన్నికలు ఎప్పుడు వచ్చినా.. వైసీపీ ఇంటికి వెళ్లడం ఖాయమని తెలిపారు. చెత్త మీద పన్ను వేసిన ఘనత జగన్‌కే దక్కుతుందని చంద్రబాబు ఎద్దెవా చేశారు. రాష్ట్రంలో మహిళలపై దాడులు పెరిగినట్లు కేంద్రం చెబుతోందని బాబు పేర్కొన్నారు. ఒక్క నీటిపారుదల ప్రాజెక్టు పూర్తి చేశారా? అంటూ వైసీపీ ప్రభుత్వాన్ని చంద్రబాబు ప్రశ్నించారు. పొందూరు చేనేత కార్మికులకు తాము అండగా ఉంటామని చంద్రబాబు హామీ ఇచ్చారు.