విజయనగరంలో భాజపా ప్రశిక్షణ తరగతులు

విజయనగరం జిల్లా భాజపా కార్యాలయంలో అసెంబ్లీ స్థాయి ప్రశిక్షణ తరగతులను భాజపా స్టేట్ జనరల్ సెక్రటరీ మాధవ్ ప్రారంభించారు. పార్టీ సిద్దాంతాలను, విధి విధానాలను దేశంలో జరుగుతున్న మార్పులు, విజయాల గురించి ఈ కార్యక్రమంలో వివరించడం జరుగుతుందని ఆయన తెలిపారు.

విజయనగరం జిల్లా భాజపా కార్యాలయంలో అసెంబ్లీ స్థాయి ప్రశిక్షణ తరగతులు ప్రారంభమయ్యాయి. ఈ తరగతులను భాజపా స్టేట్ సెక్రటరీ మాధవ్ ప్రారంభించారు. ఈ సందర్భంగా ఆయన మాట్లాడుతూ..వైకాపా, తెదేపాలు కుటుంబతత్వం, కులతత్వంతో మునిగి తేలుతున్న పార్టీలని ఆయన విమర్శించారు. రానున్న రోజుల్లో వీటికి ప్రత్యామ్నాయంగా భాజపా ఉందని ఆయన తెలిపారు.

ప్రశిక్షణా కార్యక్రమం, పార్టీకి అత్యంత ముఖ్యమైందని రాష్ట్రవ్యాప్తంగా ప్రతి నియోజకవర్గంలోని ముఖ్య కార్యకర్తలు, మండలాలకు సంబంధించిన కార్యవర్గ సభ్యులతో ప్రశిక్షణా కార్యక్రమాన్ని నిర్వహిస్తున్నామని తెలిపారు. ఈ కార్యక్రమంలో జిల్లా అధ్యక్షులు రెడ్డి పావని, రాష్ట్ర కార్యదర్శి సువ్వాన ఉమా మహేశ్వరి, తదితరులు పాల్గొన్నారు.

ఇదీ చదవండి