రావుపల్లిలో దారుణం.. గొడ్డలితో వ్యక్తిపై దాడి

విజయనగరం జిల్లా రావుపల్లిలో దారుణం జరిగింది. గ్రామానికి చెందిన ఓ వ్యక్తిపై అదే గ్రామానికి చెందిన మరో వ్యక్తి గొడ్డలితో దాడి చేశాడు. ఈ ఘటనలో బాధితుడికి తీవ్ర గాయాలయ్యాయి.

విజయనగరం జిల్లా గరుగుబిల్లి మండలంలోని రావుపల్లి గ్రామానికి చెందిన రాములు బహిర్భూమికి వెళ్లి వస్తుండగా.. అదే గ్రామానికి చెందిన వ్యక్తి గొడ్డలితో దాడి చేశాడు. తలపై బలంగా కొట్టడంతో రాములుకు తీవ్రగాయాలయ్యాయి. విషయం తెలుసుకున్న కుటుంబీకులు బాధితుడిని పార్వతీపురంలోని ఓ ప్రైవేట్ ఆస్పత్రికి తరలించారు. అక్రమ సంబంధమే ఈ దాడికి కారణమని స్థానికులు చెబుతున్నారు. పోలీసులు కేసు నమోదు చేసుకుని దర్యాప్తు చేస్తున్నారు.

ఇదీచదవండి. చైనాతో వివాదంపై నేడు ప్రధాని అఖిలపక్ష భేటీ