నీటి సమస్యను అరికట్టాలని గర్భిణీల ఆందోళన
విజయనగరం జిల్లా సాలూరులోని గర్భిణుల వసతి గృహంలో నీటి సమస్యను అరికట్టాలంటూ.. అక్కడ ఆశ్రయం పొందుతున్న గర్భిణులు ఆందోళన చేశారు. గత 2 వారాలుగా వాటర్‌ పైప్ లైన్‌లో పూడిక నిండి నీటి సరఫరా జరగడం లేదని వాపోయారు. బయటి నుంచి నీళ్లు తెచ్చుకోడానికి ఇబ్బందులు పడుతున్నామని ఆవేదన చెందారు.
నీళ్ల బకెట్లతో మెట్లు ఎక్కలేక పోతున్నామని వాపోయారు. ఈ విషయాన్ని అధికారుల దృష్టికి తీసుకెళ్లినా.. పట్టించుకోవట్లేదన్నారు. వైటీసీలో శిక్షణ పొందుతున్న గిరిజన నిరుద్యోగ యువత.. బయటికెళ్లి నీటిని బకెట్లతో నీరు తీసుకొని రావాల్సిన పరిస్థితి ఏర్పడిదని తెలిపారు. భోజన శాలలో తాగునీరు, బాత్రూంలో నీటి సౌకర్యం లేక ఇబ్బందులు పడుతున్నామన్నారు.