''ఆ డబ్బును చంద్రబాబు నుంచే వసూలు చేయాలి''

నిబంధనలకు విరుద్ధంగా కట్టిన ప్రజావేదిక భవనాన్ని కూల్చేయడమే కాదు.. అందుకు వెచ్చించిన సొమ్మును గత ముఖ్యమంత్రి చంద్రబాబు నుంచే వసూలు చేయాలని.. వైపాకా రాష్ట్ర ప్రధాన కార్యదర్శి దాడి వీరభద్రరావు డిమాండ్ చేశారు.

ప్రజా వేదిక అక్రమ నిర్మాణామని వైకాపా రాష్ట్ర ప్రధాన కార్యదర్శి దాడి వీరభద్రరావు స్పష్టం చేశారు. ఈ భవన నిర్మాణానికి ఖర్చయినా 9 కోట్ల రూపాయలను గత ముఖ్యమంత్రి చంద్రబాబు నుంచి వసూలు చేయాలని ప్రభుత్వాన్ని డిమాండ్ చేశారు. విశాఖ జిల్లా అనకాపల్లిలో విలేకరులతో మాట్లాడిన ఆయన.. కృష్ణానదీ తీరంలో కరకట్ట వద్ద ఎలాంటి నిర్మాణాలు చేయరాదని, ఒకవేళ నిర్మించి ఉంటే.. వాటిని తొలగించాలని నిబంధనలు చెబుతున్నాయన్నారు. తెదేపాకు చెందిన నలుగురు రాజ్యసభ సభ్యులు భాజపాలో చేరడం వెనక చంద్రబాబే ఉన్నారన్నారు.