విశాఖ జిల్లా చోడవరం నియోజకవర్గంలో వైకాపా నాయకుల మధ్య అంతర్గత విభేదాలు తారస్థాయికి చేరాయి. బుచ్చెయ్యపేట మండలం కోమాళ్లపూడి గ్రామంలో డెయిరీ డైరెక్టర్, వైకాపా నాయకుడు గెదేల సత్యనారాయణపై అదే పార్టీకి చెందిన నాయకులు కత్తులతో దాడికి పాల్పడ్డారు. ఈ ఘటనలో సత్యనారాయణ కత్తిపోట్లుతో బయటపడ్డారు. దాడిలో గ్రామానికి చెందిన ముగ్గురు వాలంటీర్లతో పాటు తొమ్మిది మంది పాల్గొన్నారు.
వైకాపాలో వర్గ విభేదాలు... ఓ వ్యక్తిపై కత్తితో దాడి ! - వైకాపాలో వర్గ విభేదాలు...ఓ వ్యక్తిపై కత్తితో దాడి !
అంతర్గత విభేదాల కారణంగా వైకాపా నాయకులు ఘర్షణకు దిగిన ఘటన విశాఖ జిల్లా చోడవరం నియోజకవర్గంలో కోమాళ్లపూడి గ్రామంలో చోటుచేసుకుంది. ఈ ఘటనలో డెయిరీ డైరెక్టర్, వైకాపా నాయకుడు గెదేల సత్యనారాయణపై అదే పార్టీకి చెందిన నాయకులు కత్తులతో దాడికి పాల్పడ్డారు.
వైకాపాలో వర్గ విభేదాలు...ఓ వ్యక్తిపై కత్తితో దాడి !
సత్యనారాయణ పై దాడి జరగటం ఇది రెండో సారి. అప్పట్లో అయన ప్రత్యర్థులు నాటుతుపాకి ఉపయోగించి చంపేందుకు ప్రయత్నించారు. కానీ ఆయన తృటిలో తప్పించుకున్నారు. వేరే పార్టీ నుంచి వైకాపాలో చేరినా.. ఆ పార్టీలో ముందునుంచి ఉంటున్న క్యాడర్తో ఈయనకు తీవ్ర విభేదాలు ఉన్నాయి. ఈ విభేదాలే హత్యాయత్నానికి దారి తీసినట్టు గ్రామస్థులు చెబుతున్నారు. నిందితులపై హత్యాయత్నం కేసు నమోదు చేసిన పోలీసులు...గ్రామంలో ఎటువంటి అవాంఛనీయ ఘటనలు చోటుచేసుకోకుండా బందోబస్తు ఏర్పాటు చేశారు.
ఇదీ చదవండి: విశాఖలో పలుప్రాంతాల్లో ఉరుములు, మెరుపులతో వర్షం