భర్త చేతిలో భార్య దారుణ హత్య

విశాఖపట్నం జిల్లాలో దారుణం చోటుచేసుకుంది. దంపతుల మధ్య నెలకొన్న గొడవలో విచక్షణ కోల్పోయిన భర్త భార్యను అతి కిరాతకంగా అంతమొందించాడు. ఊహించని ఈ ఘటనతో గ్రామంలో విషాద ఛాయలు అలుముకున్నాయి.

కట్టుకున్న భార్యను అతి కిరాతకంగా హత్య చేశాడు ఓ భర్త. ఈ ఘటన విశాఖ జిల్లా సబ్బవరం మండలంలో చోటు చేసుకుంది. గ్రామానికి చెందిన శ్రీనివాసరావు, సరోజినీలు భార్యాభర్తలు. కొంత కాలంగా వీరి మధ్య తరచూ గొడవలు జరుగుతున్నాయి. ఈ క్రమంలో శుక్రవారం రాత్రి వీరి మధ్య తీవ్ర ఘర్షణ జరిగింది. దీంతో శ్రీనివాసరావు ఆవేశంతో భార్యపై పదునైన ఆయుధంతో దాడి చేసి హతమార్చాడు. మృతురాలి కుటుంబ సభ్యులు ఇచ్చిన ఫిర్యాదు మేరకు పోలీసులు కేసు నమోదు చేసుకొని క్లూస్​టీం ఆధారంగా వివరాలు సేకరిస్తున్నారు. పోస్టుమార్టం నిమిత్తం మృతదేహాన్ని అనకాపల్లి ప్రభుత్వాసుపత్రికి తరలించారు.

ఇదీచదవండి.తాగుడుకు బానిసయ్యాడని కన్నబిడ్డపై కత్తితో తల్లి దాడి