అంతర్జాతీయ కర్రసాము 2020లో విశాఖకు పతకాల పంట..

చెన్నైలో జరిగిన మొదటి అంతర్జాతీయ శిలంబం (కర్రసాము) 2020 టోర్నమెంట్​లో విశాఖపట్టణానికి పతకాల పంట పండింది. కర్రసాములో వైజాగ్​కు చెందిన విశాఖ బాలదేవ్ అకాడమీ ఆఫ్ ఇండియన్ మార్షల్ ఆర్ట్స్ విద్యార్థులను కలెక్టర్ వి.వినయ్ చంద్ ప్రశంసించారు. అనంతరం కలెక్టర్ క్యాంప్ కార్యాలయంలో ప్రశంసాపత్రాలను అందజేశారు.

తమిళనాడు చెన్నైలో జరిగిన మొదటి అంతర్జాతీయ శిలంబం (కర్రసాము) 2020 టోర్నమెంట్​లో విశాఖపట్టణానికి చెందిన విద్యార్థులు ఉత్తమ ప్రదర్శన కనబరిచారు. ఈ సందర్భంగా కర్రసాములో వైజాగ్​కు​ చెందిన విశాఖ బాలదేవ్ అకాడమీ ఆఫ్ ఇండియన్ మార్షల్ ఆర్ట్స్ విద్యార్థులను కలెక్టర్ వి.వినయ్ చంద్ ప్రశంసించారు. అనంతరం కలెక్టర్ క్యాంప్ కార్యాలయంలో ప్రశంసాపత్రాలను అందించారు. శిలంబం టోర్నమెంట్​లో బాలదేవ్ అకాడమీ విద్యార్థులు 8 స్వర్ణ, 3 కాంస్య పతకాలను గెలుచుకున్నారు.

• కర్ర విన్యాసాల్లోనూ..

ఒంటి కర్ర, రెండు కర్రలతో చేసే విన్యాసాల్లో కె.సత్య శ్రీకాంత్ రెండు స్వర్ణ పతకాలు, డి. మహేశ్వరరావు 2 బంగారు పతకాలు సాధించారు. డబుల్ స్టిక్​లో బి.కీర్తిక, పి.ధరణి వర్ష, పి.యశ్వంత్​లు తలా బంగారు పతకం గెలుచుకున్నారు.

• సుమారు 12 దేశాలు పాల్గొన్నాయి..

సింగిల్ స్టిక్ విభాగంలో బి.సంధ్యారాణి బంగారు పతకం పొందారు. డబుల్ స్టిక్, సింగిల్ స్టిక్ రెండు పోటీల్లో యశ్వంత్ రెడ్డి 2 కాంస్య పతకాలను గెలిచారు. విశాఖ పోర్టు ఉద్యోగి బి.లక్ష్మణ్ దేవ్ శిక్షణలో విశాఖ క్రీడాకారులు విజయం సాధించారు. ఈ పోటీలు చెన్నైలో జూలై 10 నుంచి ఆగస్టు 10 వరకు జరిగినట్లు లక్షణ్ దేవ్ వెల్లడించారు. సుమారు 12 దేశాలకు చెందిన క్రీడాకారులు పాల్గొన్నట్లు స్పష్టం చేశారు.

ఇవీ చూడండి : హెల్త్ బులెటిన్: ఎస్పీ బాలు ఆరోగ్య పరిస్థితి విషమం