'అక్రమాలకు చెక్ పోస్టు'

ఎన్నికల్లో అక్రమ రవాణాకు అడ్డుకట్టవేసేందుకు విశాఖ పోలీసులు నర్సీపట్నం డివిజన్ పరిధిలో 14 చోట్ల చెక్ పోస్టులను ఏర్పాటు చేసి... ముమ్మరంగా తనిఖీలు చేస్తున్నారు.

ఎన్నికల నిర్వహణలో భాగంగా విశాఖ జిల్లా పోలీసులు కట్టుదిట్టమైన ఏర్పాట్లు చేస్తున్నారు. నియోజకవర్గ సరిహద్దుల్లో అవసరమైన చోట్ల చెక్​పోస్టులు ఏర్పాటు చేసి.. ప్రధానంగా అక్రమ మద్యం,నగదు రవాణాను అరికట్టేందుకు పటిష్టమైన చర్యలు చేపట్టారు. నర్సీపట్నం పోలీస్ సబ్ డివిజన్ పరిధిలో 14 చోట్ల చెక్ పోస్టులను ఏర్పాటు చేసి.... వీటికి సంబంధించి వాహన తనిఖీలు చేపడుతున్నారు. నర్సీపట్నం ఏజెన్సీ ముఖద్వారం కావడంతో మన్యానికి వెళ్లే వాహనాలను ముమ్మరంగా తనిఖీ చేస్తున్నారు.