విశాఖలోని సింహాచలం అప్పన్న క్షేత్రపాలకుడైన కాలభైరవ స్వామిని విశాఖ మేయర్ గొలగాని హరివెంకట కుమారి దంపతులు దర్శించుకున్నారు. ప్రతి అమావాస్య, పౌర్ణమి రోజుల్లో భక్తుల రద్దీ పెరుగుతున్నందున తగిన ఏర్పాట్లు చేయాలని దేవాలయ అధికారులకు సూచించారు.
కాలభైరవ స్వామి ఆలయానికి వెళ్లే మార్గంలో నాలుగు కిలోమీటర్లు మేర రోడ్డు గతుకులమయంగా ఉండటం, ఆలయంలో భక్తులకు కనీస సౌకర్యాలు కల్పించకపోవడం పట్ల అసహనం వ్యక్తం చేశారు.