విశాఖ ఎక్స్‌ప్రెస్​కు తప్పిన ప్రమాదం

విశాఖ ఎక్స్‌ప్రెస్​కు ప్రమాదం తప్పింది. నర్సీపట్నం అడ్డరోడ్డు వద్ద లింక్ తప్పడంతో ఇంజిన్​ నుంచి బోగీలు వేరుపడ్డాయి. ప్రయాణికులు ఆందోళన చెందారు.

భువనేశ్వర్ నుంచి సికింద్రాబాద్ వెళ్తున్న విశాఖ ఎక్స్‌ప్రెస్..నర్సీపట్నం అడ్డరోడ్డు వద్ద లింక్ తప్పింది. కప్లింగ్‌ వీడటంతో బోగీల నుంచి రైలు ఇంజిన్ వేరైంది. దీంతో కిలోమీటరు వరకు రైలు ఇంజిన్ ముందుకెళ్లింది. ఈ హఠాత్పరిణామంతో ప్రయాణికులంతా ఒక్కసారిగా ఆందోళనకు గురయ్యారు. రైల్వే సిబ్బంది వచ్చి వారిని క్షేమంగా వెనక్కు తీసుకెళ్లారు.