వంగ రైతు.. బంగ పాటు

ఆరుగాలం కష్టపడి పండించిన పంటకు ధర లభించలేదని రైతులు ఆవేదన చెందుతున్నారు. లాక్​డౌన్​ ప్రభావంతో పంటను కొనేందుకు వ్యాపారులు ముందుకు రాకపోవడం, కిలో వంకాయల ధర రూపాయి కూడా పలకలేదు. దీంతో విశాఖ జిల్లా రైతులు వంకాయలను రోడ్డుపై కుప్పలుగా పారబోశారు.

విశాఖ జిల్లా దేవరాపల్లి కూరగాయల మార్కెట్​లో వంకాయకు గిట్టుబాటు ధర లభించక పెద్ద ఎత్తును రోడ్డుపై పారబోశారు. మార్కెట్​కి పరిసర గ్రామాల నుంచి రైతులు కూరగాయలు తీసుకొచ్చారు. లాక్ డౌన్ ప్రభావంతో వ్యాపారులు పెద్దగా రావడం లేదు. వచ్చిన వ్యాపారులు మూకుమ్మడిగా వంకాయ ధరలు తగ్గించేశారు. దీంతో కిలో వంకాయలకు రూపాయి ధర కూడా లభించలేదు. ఆగ్రహం వ్యక్తం చేసిన రైతులు వంకాయలను రోడ్డుపై కుప్పలుగా పోసి వెళ్లిపోయారు. ఆరుగాలం కష్టపడి పండించిన పంటకు ధర లభించలేదని రైతులు ఆవేదన చెందారు. ప్రభుత్వం స్పందించి మద్దతు ధర కల్పించాలని డిమాండ్ చేశారు.

ఇవీ చూడండి..