విశాఖ కలెక్టర్​గా వినయ్ చంద్ బాధ్యతల స్వీకరణ

విశాఖ నూతన కలెక్టర్​గా వినయ్ చంద్ బాధ్యతలు స్వీకరించారు. ఎల్లప్పుడూ ప్రజలకు అందుబాటులో ఉంటానని తెలిపారు.

విశాఖ జిల్లా కలెక్టర్​గా వాడ్రేవు వినయ్ చంద్ర ఇవాళ ఉదయం విశాఖ కలెక్టరేట్​లో బాధ్యతలు చేపట్టారు. వారి కుటుంబ సభ్యులు సమక్షంలో బాధ్యతలు స్వీకరించారు. కె.భాస్కర్ బదిలీ అయినందున ఆయన స్థానంలోకి ప్రకాశం జిల్లా కలెక్టర్​గా విధులు నిర్వహిస్తున్న వినయ్ చంద్ర వచ్చారు. గతంలో ఐటీడీఏ ప్రాజెక్ట్ అధికారిగా విశాఖ జిల్లాలో సేవలు అందించారు. అంతేకాక తిరుపతి నగరపాలక సంస్థ కమిషనర్​గానూ విధులు నిర్వర్తించిన వినయ్ చంద్ర... ఆ అనుభవంతో విశాఖ నగరంతో పాటు, గిరిజన ప్రాంతాభివృద్ధికి కృషి చేస్తానని చెప్పారు. ప్రజలకు నిత్యం అందుబాటులో ఉంటానని హామీ ఇచ్చారు. ప్రభుత్వ పథకాలు ప్రజలకు అందేవిధంగా సహచర సిబ్బందితో సమన్వయం చేసుకుని పని చేస్తామన్నారు. యధావిధిగా సోమవారం ప్రజావాణి నిర్వహిస్తామని చెప్పారు.