'రహదారి నిర్మించుకున్నాం.. ఉపాధి హామీ కింద గుర్తించండి'

విశాఖ జిల్లా కొయ్యూరు మండలం జాజులబంధ గ్రామానికి ఆదివాసులు సుమారు ఎనిమిది కిలోమీటర్ల దూరం రహదారిని నిర్మించుకున్నారు. ఆ పనులను ఉపాధి హామీ కింద పరిగణించి.. తక్షణమే నిధులు మంజూరు చేయాలని నిరసన వ్యక్తం చేశారు.

కొయ్యూరు మండలం ఆదివాసులు.. తాము నిర్మించుకున్న రహదారిని ఉపాధి పనుల కింద గుర్తించాలని నెత్తిన బరువుతో నిరసన తెలిపారు. గిరిజన సంఘం, సీపీఎం సంయుక్త ఆధ్వర్యంలో ఆందోళన చేశారు. ఈ గ్రామాలను పాడేరు ఐటీడీఎ పీఓ స్వయంగా పరిశీలన చేయాలన్నారు. ఈ రహదారి నిర్మాణానికి సంబంధించి గతంలో ఎన్నోసార్లు రాజకీయ నాయకులకు, అధికారులకు వినతి పత్రాలు అందజేసినా ప్రయోజనం లేదని.. తామే స్వయంగా శ్రమదానంతో నిర్మాణం చేసుకున్నామని ఆదివాసులు పేర్కొన్నారు. ఈ క్రమంలోనే సుమారు ఎనిమిది కిలోమీటర్ల మేర దట్టంగా ఉన్న చెట్లను.. శ్రమదానం ద్వారా తొలగించి.. రహదారి ఏర్పాటు చేసుకున్నామని వెల్లడించారు.

ఇదీ చదవండి:గళమెత్తి పోరాటం చేయటమనేది తెలంగాణ ప్రజల్లో ఉంది: పవన్