మావోయిస్టుల తీరుకు నిరసనగా విశాఖ మన్యం ముంచంగిపుట్టు మండల కేంద్రంలో గిరిజనులు ర్యాలీ నిర్వహించారు. తహశీల్దార్ కార్యాలయం నుంచి 4 రోడ్ల కూడలి వరకు ప్రదర్శనగా వెళ్లారు. అక్కడ మానవహారం చేశారు.
ప్లకార్డులు పట్టుకుని మావోయిస్టులకు వ్యతిరేకంగా నినదించారు. సహకరించకపోతే చంపేస్తారా అని నిలదీశారు. బుధవారం రాత్రి గొబ్బిరిపడ గ్రామంలో జరిగిన ఘటనను తీవ్రంగా వ్యతిరేకించారు. తాము అభివృద్ధిని కోరుకుంటున్నామని చెప్పారు.