యాప్ ద్వారా అంగన్వాడీల పనితీరు పర్యవేక్షణ

రాష్ట్రంలో అంగన్వాడీల పనితీరును పర్యవేక్షించేందుకు ప్రభుత్వం.. ప్రత్యేక యాప్​ రూపొందించింది. 14 అంశాలను ఎంపిక చేసి అమలు చేయనున్నారు.

రాష్ట్ర వ్యాప్తంగా అంగన్వాడీ కేంద్రాల పనితీరును నిరంతరం తనిఖీ చేయాలని ప్రభుత్వం నిర్ణయించింది. వాటి సేవల నాణ్యత పర్యవేక్షణకు ప్రత్యేక యాప్​ను రూపొందించింది. ఈ యాప్ ఆధారంగా అంగన్వాడీలకు రేటింగ్ ఇవ్వనుంది. దీనికోసం 14 అంశాలను ఎంపిక చేసి... అమలు చేయనున్నారు. ఫ్రీ స్కూల్ విధానాన్ని యాప్ ద్వారానే తనిఖీ చేయనుంది. ఇప్పటికే సిద్ధం చేసిన మహిళా శిశు సంక్షేమ శాఖ అధికారులు... కేంద్రాల పున: ప్రారంభం తర్వాత ఈ ప్రక్రియ అమలులో రానుంది.

ఎంపిక చేసిన 14 అంశాలు పాలు, గుడ్ల నాణ్యత, మధ్యాహ్న భోజన పథకం ప్రధానంగా తీసుకోనున్నారు. తాగునీటి సౌకర్యం, వంటగది, వస్తువులను నిల్వ ప్రదేశం, వినియోగించే పదార్థాల నాణ్యత పరిణామం, పరిశుభ్రత వంటి ఇతర అంశాలకు మార్కులు కేటాయిస్తారు. 40 శాతం కంటే తక్కువ నమోదయితే సమస్యను 15 రోజుల్లోగా పరిష్కరించాలి. లేనిపక్షంలో పైస్థాయి అధికారుల దృష్టికి తీసుకెళ్లేలా రూపొందించారు.

అంగన్వాడీ కేంద్రాల బాధ్యతను గ్రామ, వార్డు సచివాలయాల మహిళా సంరక్షణ కార్యదర్శులకు ప్రభుత్వం అప్పగించింది. వీరు తమ పరిధిలోని ప్రతి అంగన్వాడీ కేంద్రాన్ని వారానికి మూడు సార్లు వెళ్లి తనిఖీ చేయాలి. వాస్తవ పరిస్థితిని యాప్​లో నమోదు చేయాలి. వీరికి సమాంతరంగా సూపర్ వైజర్లు, ప్రాజెక్టు అధికారులు, ఐసీడీఎస్ పీడీ, తనిఖీ చేసి యాప్​లో పొందుపరచాల్సి ఉంటుంది.

ఇదీ చదవండి: