విశాఖ జిల్లా ఎలమంచిలి నియోజకవర్గం మునగపాక మండలం రాయుడుపాలెంలో వ్యవసాయ బావిలో పడి బాలుడు మృతి చెందాడు. కరోనా కారణంగా విద్యార్థులు పాఠశాలలకు వెళ్లడం లేదు. ఈ క్రమంలో గ్రామంలోని కొందరు పిల్లలు బావిలో ఈత నేర్చుకోవడానికి వెళ్లారు.
తేజస్ అనే బాలుడు ఈత రాక బావిలో మునిగి చనిపోయాడు. ఆ చిన్నారి మూడో తరగతి చదువుతున్నాడు. తేజస్ మృతితో తల్లిదండ్రులు బోరున విలపిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.