డా.సుధాకర్ మృతి ప్రభుత్వ హత్యే : చంద్రబాబు

డా.సుధాకర్​ను శారీరకంగా, మానసికంగా వేధించి హతమార్చారని తెదేపా నేతలు చంద్రబాబు, నారా లోకేశ్ ఆరోపించారు. ఇది ప్రభుత్వ హత్యేనన్న చంద్రబాబు... వైద్యుడి కుటుంబానికి రూ.కోటి పరిహారం ఇవ్వాలని డిమాండ్ చేశారు.

అనస్తీషియా వైద్యుడు సుధాకర్​ది ప్రభుత్వ హత్యేనని తెలుగుదేశం అధినేత చంద్రబాబు నాయుడు ఆరోపించారు. ఈ ఘటనకు ముఖ్యమంత్రి జగన్​ బాధ్యత వహించాలని డిమాండ్ చేశారు. సుధాకర్ మృతి పట్ల దిగ్భ్రాంతి వ్యక్తం చేసిన చంద్రబాబు... డా.సుధాకర్​ను శారీరకంగా, మానసికంగా వేధించి బలిగొన్నారని ఆక్షేపించారు. వైద్యుడి కుటుంబానికి రూ.కోటి పరిహారం ఇచ్చి, ఆదుకోవాలని డిమాండ్ చేశారు. డా.సుధాకర్​ను వేధించి హతమార్చారని తెదేపా జాతీయ ప్రధాన కార్యదర్శి నారా లోకేశ్ అన్నారు. వైద్యుడు సుధాకర్ కుటుంబసభ్యులకు ప్రగాఢ సంతాపం ప్రకటించారు.

ఇదీచదవండి