సింహగిరిపై వైభవంగా స్వాతి నక్షత్ర హోమం

సింహాద్రి అప్పన్న స్వామి వారి నామ నక్షత్రమైన స్వాతి నక్షత్రం రోజున.. సింహగిరిపై స్వాతి నక్షత్ర హోమం వైభవంగా జరిగింది. స్వామివారికి తెల్లవారు జామునే విశేష పూజా కార్యక్రమాలు చేశారు. ప్రత్యేకంగా ఏర్పాటు చేసిన యాగశాలలో ఈ ఉత్సవాన్ని నిర్వహించారు. ఈ కార్యక్రమంలో ఆలయ ట్రస్టుబోర్డు చైర్మన్ సంచయిత గజపతి పాల్గొన్నారు.

విశాఖ జిల్లా సింహగిరిపై స్వాతి నక్షత్ర హోమం వైభవంగా జరిగింది. స్వామి వారి నామ నక్షత్రమైన స్వాతి నక్షత్రం రోజున మాత్రమే.. ఈ స్వాతి నక్షత్ర హోమం నిర్వహిస్తారు. స్వామివారికి తెల్లవారు జామునే విశేష పూజా కార్యక్రమాలు చేశారు. ప్రత్యేకంగా ఏర్పాటు చేసిన యాగశాలలో ఈ ఉత్సవాన్ని నిర్వహించారు.

కరోనా నేపథ్యంలో హోమం చేయాలనుకునే భక్తులు ఆన్‌లైన్‌లో నమోదు చేసుకున్నారు. వారి పేరు మీద పండితులు హోమం నిర్వహించారు. ఆన్‌లైన్‌లో పేరు నమోదు చేసుకున్న వారికి యూట్యూబ్‌లో లింక్‌ పెట్టి ప్రసారం చేసినట్లు ఆలయ అధికారులు తెలిపారు. పరోక్ష పద్ధతిలో పాల్గొనే పూజలకు విశేష స్పందన వస్తుందని.. ఈవో సూర్య కళ వివరించారు. ఈ పూజలో ఆలయ ట్రస్టుబోర్డు చైర్మన్ సంచయిత గజపతి పాల్గొన్నారు.

ఇవీ చూడండి...